Maine Jeena Seekh Liya..

Choti Choti Khwayishon mein
Bade Bade sapne Dhundhna Shuru Kiya..
Aur Maine Jeena Seekh Liya..

Door rehkar tanhayee mein
khyalon se tumse judna shuru kiya..
Aur Maine Jeena Seekh Liya..

Chaand ki makhmali ko bhool kar
Ik taare ka bichouna bunna shuru kiya..
Aur Maine Jeena Seekh Liya..

Azeem Jahaazon ki jagah..,
kashti se samandar tay karna shuru kiya
Aur Maine Jeena Seekh Liya..

Us Khuda ki parastish mein
Namumkin ko mumkin karna shuru kiya
Aur Maine Jeena Seekh Liya..