Main Qaidi No.786 Jail Ki Salakhon Se Baahir Dekhta Hoon
Din, Mahiney, Saalon Ko Zat Main Badalte Dekhta Hoon

Is Mitti Se Mere Baboji K Khaito Ki Khusbu Ati Hai
Yeh Dhoop Mere Mathay Ki Thandi Chhaa Yaad DilaTi Hai

Yeh Baarish Mere Saavan Ki Jholoon K Sang Laati Hai
Yeh Sardi Mere Lodi Ki Dil Ki Aag Sulagti Jaati Hai

Woh Kehtay Hain Yeh Tera Des Nahi
Phir Kyo Mere Des Jaisa Lagta Hai

Woh Kehta Hai Mai Us Jaisa Nahi
Phir Kyo Mujh Jaisa Woh Lagta Hai

Mai Qaidi No.786 Jail Ki Salakhon Se Baahir Dekhta Hoon
Sapno Ke Gaaon Se Utri Ek Nanni Pari Ko Dekhta Hoon

Kehti Hai Khud Ko Saamiya Aur Mujhko ~Navi~ Bulaati Hai
Hai Bilkul Begani Par Apno Si Woh Lagti Hai

Uski Sachi Baaton Se Phir Jeenay Ko Mann Karta Hai
Uski Kasmo Waadon Se Kuch Karne Ka Mann Karta Hai

Woh Kehtay Hain Ke Woh Koi Nahi Hai
Phir Kyo Woh Mere Liye Dunaya Se Larti Hai

Woh Kehtey Hain Main Us Jaisa Nahi
Par Kyo Mujh Jaisa Woh Lagta Hai

Mai Qaidi No.786 Jail Ki Salakhon Se Baahir Dekhta Hoon
Apne Gaoon K Rangon Main Lipti Ek Nayi Zaara Ko Dekhta Hoon

Mere Khwabon Ko Poora Karti Khud K Khwaab Bhool Chuki Hai Woh
Mere Logon Ki Saiwa Karte karte Apne Logo Ko Chor Chuki Hai Woh

Uska Daaman Ab Khushiyon Se Bharne Ko Dil Karta Hai
Uske Liye Ek Aur Zindagi Jeenay Ko Jee Karta Hai

Woh Kehtay Hain Mera Des Uska Nahi
Phir Kyo Mere Ghar Woh Rehti Hai

Woh Kehtay Hain Main Us Jaisa Nahi
Phir Kyo Mujh Jaisi Woh Lagti Hai

Mai Qaidi No.786 Jail Ki Salakhon Se Baahir Dekhta Hoon...

(Taken from Veer Zaara)