next »

[ahkil]

Aakar Chupaa lo mujhe, bahut Chal liya,
Tumhare bin yeh Safar kiya,par Jeevan nahi Jiya.

Ek baar Dil se laga lo, Gila-Shiqwa khatam ho jayega.
Yeh woh Armaan hai jo, aakhiri Saans ko kheechta chala jayega.

Tumhara hi Hissa hoon, koi Parayaa to nahi
Thak gaya hoon aur Rastaa lambaa hai abhi.

Goad mein kuch der Soney do, Neend aatee nahi ab,
Aanchal mein Chupaa lo, kho jayen yeh Zakham sab.

Bahut Baatein karni hain, kabhi Mauka hi nahi mila,
Maine kyon tumsey kabhi iss Dil ka Taar nahi Joda?

Ehsaas dilao ki main Zinda hoon,
Acchaa, Pyara bas Tumhara hoon.
Kabhi Aana zaroor, tumhare bina bahut Akela hoon.