next »

[ahkil]

Baat Ki Baat

Shayad unko samajh na aayee, kya thi mere maan ki baat,
Dekh kinara utar gaye wo, leharon se lade hum sari raat.

Purane mausam phir laute hain, lekar unki har-ek baat,
Saath rahe sab rishte-nate, bhatka mann bas saari raat.

Pile pad gaye unke kagaz, nayee rahi unki har baat,
Unki raatein ho gayee chhoti, lambi reh gayee meri raat.

Sunte aaye sabhi ke kisse, kis se kahen hum apni baat,
Patharoon se bhi phootey jharaney, meri suni jab sari raat.